བསམ་ཞིབ་དང་པ།
བྲི་སྒོ་ལག་ལེན་འཐབ་སྟེ་ སློབ་སྟོན་འབད་ཐངས། ༉ ད་རེས་ནངས་པ་ དུས་ཀྱི་འགྱུར་བ་དང་བསྟུན་ འཛམ་གླིང་རྒྱལ་ཁབ་ག་ཏེ་ལུ་ཡང་ བརྡ་དོན་འཕྲུལ་རིག་མ་འདྲཝ་ཚུ་ ལེ་ཤ་རང་ འཐོན་ ཏེ་ཡོདཔ་ཨིན། དེ་ཚུ་ ང་བཅས་རའི་སློབ་གྲྭ་ཁག་ལས་ཕར་ སློབ་དཔོན་དང་སློབ་ཕྲུག་ཚུ་གིས་ ལྷབ་སྦྱང་ནང་ལུ་ གནམ་མེད་ས་མེད་ ཕན་ ཐོགས་ཅན་ཅིག་འབད་འགྱོ་སྟེ་ཡོད། དེ་ནང་ལས་ ད་ལྟོ་ང་བཅས་ཀྱིས་ ལྷབ་སྦྱང་འབད་དེ་ཡོད་མི་ བརྡ་དོན་འཕྲུལ་རིག་ བྲི་སྒོ་ (Blog) ཟེར་མི་འདི་ ག་དེ་སྦེ་ལག་ལེན་འཐབ་བཏུབ་ཨིན་ན་དང་ དེ་གི་ཕན་ཐོགས་ག་དེ་སྦེ་ཡོདཔ་ཨིན་ན་ མ དོར་བསྡུས་ཅིག་བྲི་བ་ཅིན་་་ དང་པ་ བྲི་སྒོ་ (Blog) ཟེར་མི་འདི་ག་དེ་སྦེ་ ལག་ལེན་འཐབ་བཏུབ་སྨོ་ཟེར་བ་ཅིན་ རང་གིས་དགའ་མི་ས་སྒོ་གཅིག་ པར་བཏབ་སྟེ་ འདི་གི་སྐོར་ལས་བཤད་པ་བྲིས་ཞིནམ་ལས་ ཤུལ་ལས་རང་བལྟ་ནིའི་དོན་ལུ་ བྲི་སྒོ་འདི་ནང་བཙུགས་བཞག་བཏུབ་པས། དེ་མ་ཚད་ རང་གིས་དགའ་མི་གློག་བརྙན་དང་ཞབས་ཁྲ་ ག་བཟུམ་དགོ་རུང་ དེ་ཚུ་ཡང་ ག་ཏེ་ལས་ཕབ་ལེན་འབད་དེ་འབད་རུང་ དེ་ཚུའི་ ཡོ་ཨཱ་རོལ་ (URL) གུར་ཨེབ་ཞིནམ་ལས་ ཡོ་ཨཱརོལ་ (URL) འདི་འདྲ་བཤུས་རྐྱབ་སྟེ་ བྲི་སྒོ་ནང་ལུ་བཙུགས་བཞག་བཏུབ་མ་ཚད་ ...
